Ágústuppgjör

Þá er komið að því að gera upp hreyfinguna í ágústmánuð. Alls hreyfði ég mig tæplega 9 klukkutíma og fór á þeim tíma 66 km, þar  af hljóp ég vel rúmlega helming eða 44 km. Ég tók þátt í einu 5km hlaupi í byrjun mánaðarins.

Fyrstu vikurnar eru rosalega flottar, allir dagar fullir af hreyfingu, en svo kom námskeið og vinnan og málin fóru aðeins meira í fokk, seinni part mánaðarins sleppti ég því að hreyfa mig í 8 daga. Ég þarf að finna mér tíma í annríki daganna sem er nokkuð ófrávíkjanlega frátekinn í hreyfingu, annað kemur ekki til greina, er að velta fyrir mér ýmsum möguleikum og þarf að drífa mig að ákveða hvað ég geri.

Næst á dagskrá er að hlaupa 5km í Brúarhlaupinu núna á laugardaginn.

Annars er ég búin að vera að græja mig upp í hlaupunum, komin með vetrarhlaupabuxur, langerma bol og nýja skó (eins gott að standa sig í að nota þetta allt saman).

Svona eru nýju skórnir mínir:

http://www.shopnewbalance.com/men/shoes/running/training/MR1080BW

Heilt yfir litið er ég sátt með mánuðinn.

Ubsí, dúbsí, fattaði það þegar ég var búin að pósta færslunni að ég gleymdi aðalatriðinu!!! Ég útskrifaðist úr C25K prógraminu!!! Í upphafi sumars gat ég ekki hlaupið 1/2 mínútu án þess að vera lafmóð. Nú hleyp ég í 30-40 mín án þess að stoppa, vahú!