Brúarhlaupið

Víhí hvað það var gaman í dag í Brúarhlaupinu, ég fór af stað í hlaupið með 3 markmið og náði þeim öllum, ég kláraði hlaupið, hljóp allan tímann og bætti tímann minn frá síðasta hlaupi…jahú á það. Gaman að hlaupa þarna og veðrið alveg hreint dásamlegt.

Fannst líka alveg frábært að vera að hlaupa með allri fjölskyldunni minni, börnin hlupu 2,5km …og nóta bene sonurinn varð í 4 sæti, hann var frekar fúll að ná ekki einu af efstu sætunum (þetta er í 2 sinn sem hann lendir í 4ja sæti í hlaupinu)  en mamman er engu að síður ekkert smá stolt af honum. Dóttirin stóð sig líka aldeilis vel. Bóndinn fór 10km og var að ná sínum öðrum besta tíma þetta árið. Þetta var fyrsta fjölskylduhlaupið okkar en langt í frá það síðasta…svo gaman.